"Манчестер Юнайтед" дарвозабон Андре Онананинг Африка Миллатлар Кубогида иштирок этиши мумкинлиги сабабли январь ва февраль ойларида жамоада бўлмаслигига тайёргарлик кўрмоқда, дея хабар бермоқда ESPN нашри. Бироқ дарвозабон Камерун терма жамоасига чақирилса, турнирда иштирок этиши борасида бир қарорга келмаган.
Африка Миллатлар кубоги 2024 йилнинг 13 январидан 11 февралига қадар Кот-д’Ивуарда бўлиб ўтади. Агар Камерун финалга чиқса, 27 ёшли Онана шу вақт ичида Англия Премьер-лигасида тўртта учрашувни ўтказиб юбориши мумкин.
Манбага кўра, "Манчестер Юнайтед" бош мураббийи Эрик тен Хаг вазиятга хайрихоҳ ва терма жамоага ўтиш ёки кетмаслик борасида дарвозабонга ўзи қарор қилишига имкон беради.
Клуб Онананинг ўрнини 25 ёшли туркиялик дарвозабон Алтай Байиндир билан тўлдиришни ўйламоқда. У ёзда "Манчестер Юнайтед"га ўтди, аммо жамоада ҳали дебют ўтказмади.
