“Штутгарт” ҳужумчиси Серу Гирасси Англия Премьер-лигаси клубида ишлаш имкониятига эга. Бу ҳақда Todofichajes портали саҳифаларида хабар берилган.
"Ньюкасл" гвинеялик ҳужумчига қизиқиш билдирмоқда. "Магпийлар" 27 ёшли африкалик футболчини қўлга киритиш учун кучли фаворит ҳисобланади. Келишув январ ойидаги трансфер ойнасида якунланиши мумкин. Ҳужумчининг нархи 40 миллион еврони ташкил қилади.
Гирасси Германия Бундеслигасининг 2023/2024 йилги мавсумини муваффақиятли бошлади. Ҳужумчи тўққизта ўйинда қатнашиб, 15та гол урган. Серунинг "Штутгарт" билан шартномаси 2026 йилгача мўлжалланган.
