"Ньюкасл" футболчиси Киран Триппьернинг фикрича, Чемпионлар лигаси гуруҳ босқичидан ўрин олган "Ньюкасл" - "ПСЖ" (1:1) учрашувида ҳакамлар пенальти белгилаб, хатога йўл қўйган.

"Мен футболдан завқ олишга ҳаракат қиламан ва бу масалаларни муҳокама қилишдан чарчадим. Қарор ҳар доим ҳакам томонидан қабул қилинади. У мониторга бориш имкониятига эга бўлди, у буни қилди. Шунчаки тушунмаяпман, у тўпнинг кўкрагидан тушиб, Ливраментонинг қўлига сирпаниб тушганини кўриши керак эди. Мен шу ерда туриб, ушбу қарорларни муҳокама қиляпман, нега учрашув расмийлари буни қила олмайди? Нега ҳакам чиқиб, нега бу пенальти белгилаганини тушунтира олмайди? Бугун барча йигитларимиз бор кучларини беришди. Бу пенальти эмаслигини ҳамма кўрди", - деди Триппьер The Independent билан суҳбатда.

Чемпионлар лигаси доирасидаги "Ньюкасл" – "ПСЖ" учрашуви сўнгида парижлик футболчи Усмон Дембеле "қарғалар" жарима майдончаси ичида тўп узатишга уриниб, ҳимоячи Валентино Ливраментога зарба берди. Тўп инглиз футболчисининг танасидан чиқиб, тирсагига тегди. Бош ҳакам Шимон Марчиняк видеотакрорни томоша қилиб, пенальти белгилади ва уни Килиан Мбаппе голга айлантирди.