"Атлетико Паранаэнсе" ҳужумчиси Витор Роке яқин орада Европага кўчиб ўтишга тайёрланмоқда.
Якшанбадан душанбага ўтар кечаси 18 ёшли футболчи "Барселона"га кўчиб ўтишдан олдин Бразилия жамоасида ("Сантос"га қарши) сўнгги уй учрашувини ўтказади, деб хабар беради "Атлетико Паранаэнсе" матбуот хизмати. Олдин испан ОАВлари тахмин қилганидек, форвард январь ойи бошида расман “блауграна” сафига қўшилади.
Витор Роке жорий Бразилия А сериясида 24 учрашувда 12 та гол ва 3 та голли узатмага муаллифлик қилди. “Атлетико Паранаэнсе” мавсум якунланишига икки тур қолганда турнир жадвалида саккизинчи ўринда бормоқда.