"Бетис" бош мураббийи Мануэль Пеллегрини қишки трансфер ойнаси ҳақида гапирди.

"Ҳар сафар жамоани кучсизлантирганимизда, ўсиш имконияти камаяди. Бизда кетаётган футболчиларнинг ўрнини босадиган салоҳият бўлиши керак. Олдинги йилларда келган футболчилар яхши ҳаракат қилишган. Агар кимдир ҳозир ёки январда кетса, клубда пул бўлмаса, унинг ўрнига бошқа футболчи олиб кела олмаймиз. Бошқа ном келади, лекин ўрнини босмайди. Бу иқтисодий тўсиқни енгиб ўта олгани жамоанинг шарафигадир.

Иско билан шартнома имзолаш ютуқми? Исконинг келиши муҳим эди, чунки Каналес кетди, Фекир эса жароҳат олди. Бизга футбол берадиган одам керак эди. "Малага"да бўлганимда Иско билан учрашиш ва уни сотиб олиш бахтига муяссар бўлдим. Ўшанда мен унинг "Манчестер Сити"га ўтишини хоҳлардим, лекин у Мадридга ўтишни хоҳлади. Молиявий масала у ёқда турсин, муҳим футбол муаммосини ҳал қилмоқчи эдим. У билан гаплашиб, мен уни тўғри одам деб ўйладим ва у буни таъсирчан ўйин билан тасдиқлади", - деди Пеллегрини AS нашрига.

15 турдан кейин “Бетис” 25 очко билан Ла Лига турнир жадвалида 7-ўринда бормоқда. “Реал” чемпионатда пешқадамлик қилмоқда (38 очко).