Испания чемпионатининг 18-тури доирасида Мадриднинг “Реал” клуби сафарда “Алавес” билан учрашди. Карло Анчелотти шогирдлари 1:0 ҳисобида минимал ғалабага эришди. Ягона голга Лукас Васкес қўшиб берилган вақтда муаллифлик қилди.
18 тур якунларига кўра, мадридликлар 45 очко жамғариб, Испания чемпионати турнир жадвалида биринчи ўринни эгаллаб турибди. Madrid Xtra хабарига кўра, бу "Лос Бланкос"нинг Ла Лигадаги сўнгги 12 йилдаги энг яхши старти.
Навбатдаги ўйинда Карло Анчелотти шогирдлари ўз майдонида “Мальорка”га қарши майдонга тушади. Учрашув 3 январь, чоршанба куни бўлиб ўтади.
