"Манчестер Юнайтед" ҳимоячиси Лисандро Мартинес жиддий жароҳатидан сўнг тикланиш жараёни қандай кетаётганини тушунтирди.
"Менинг тикланиш жараёним мен хоҳлаганимдек яхши кетмоқда. Менда ҳаммаси яхши. Физиотерапевтимиз Ибра Керемнинг назорати остида ўзимни кучли ва тўғри тикланаётганимни ҳис қиляпман. У тиббиёт ходимларимизнинг барча аъзолари каби ажойиб мутахассис. Улар менга жуда ғамхўрлик қилишади", - деди Мартинес "Манчестер Юнайтед" расмий сайтига.
Олдинроқ "қизил иблислар" бош мураббийи Эрик тен Хаг Мартинес Рождество байрами олдидан сафга қайтишини айтганди.
Эслатиб ўтамиз, Мартинес 3 сентябрь куни "Арсенал" билан ўйинда (1:3) оёғидан жароҳат олганди. Шунга қарамай у “Брайтон” (1:3) ва “Бавария” (3:4) билан навбатдаги ўйинларга асосий таркибда кириб, ҳар икки ўйинни деярли тўлиқ ўтказди.
