Шанба куни “Манчестер Сити” ўз майдонида “Шеффилд Юнайтед”ни Родри ва Хулиан Aлвареснинг голлари эвазига 2:0 ҳисобида мағлуб этди.
Ўйиндан сўнг Родри ўз фикрларини билдирди.
"Биз сўнгги ўйинлардан, жумладан, "Кристал Пэлас"га қарши ўйиндан сабоқ олдик. Ўшанда ўйин назорати бизда эди, аммо дурангга эришдик.
Биз диққатимизни жамлаб, тўпни ушлаб туришимиз керак эди. Бу ғалаба биз учун муҳим. Клублар ўртасидаги жаҳон чемпионатидаги ғалабами? Бу ҳар доим куч беради.
Жаҳон чемпиони бўлиш орзуси рўёбга чиққан бўлса, энди бу ўтмишда қолди. Биз ҳаракат қилишимиз ва бирдам бўлишимиз керак", деди Родри.
