"Анжи" клуби директорлар кенгаши аъзоси Герман Ткаченко клубнинг "Реал" яримҳимоячиси Какани сотиб олиши мумкинлиги ҳақидаги хабарларни инкор қилди.
"Анжи" "Реал" билан ҳам, Кака билан ҳам ҳеч қачон, ҳеч қандай музокара олиб бормаган.
Ҳаммага тинчланишни ва кутишни маслаҳат бераман: Кака ё "Реал"да қолади, ё "Милан"га ўтиши мумкин", - дейди Ткаченко "Дождь" телеканали эфирида.
Эслатиб ўтамиз, аввалроқ "Реал" 25 миллион евро эвазига Кака билан хайрлашишга тайёр эканлиги ҳақидаги хабар тарқалган эди. Шунингдек, "Милан" ҳам унинг трансфери борасида келишувга эриша олмаганлиги туфайли музокаралар тўхтатган эди.
