"Манчестер Сити" бош мураббийи Роберто Манчини жамоа ҳужумчиси Марио Балотеллининг "Милан"га ўтиши брасида фикрларини билдирди.

"Унинг ўрнига ўринбосар топиш учун икки кун вақтимиз бор холос. Ҳозирги пайтда яхш ўйинчи сотиб олиш мушкул.

Бу оддий ҳолат эмас, мен кучли ҳужумчимни йўқотдим, олдинда эса 14 та қийн ўйинлар турибди.

Аммо бу ўтиш... Марио ўз оиласи билан бирга бўлиши учун Италияга қайтиши ва "Милан" сафига қўшилиши зарур эди.

Биз афсусланмоқдамиз, ахир уни ҳам ўйинчи, ҳам инсон сифатида севар эдик. У билан кўп совринларга эга бўлдик. Унинг кетиши биз учун қайғули ҳол.

Менимча у мени ва ҳамма журналистларни соғинади. Биламан, у сизлар учун ҳам жуда керакли эди", - дея Манчинининг сўзларини келтиради ВВС.