Мадриднинг "Атлетико" клуби ҳужумчиси Альваро Мората Саудия Арабистони клубларининг нишонида.
TodoFichajes нашрининг хабар беришича, 31 ёшли футболчига "Аш-Шабаб", "Ал-Ҳилол" ва "Ал-Иттиҳод" клублари қизиқиш билдирмоқда. Бу клублар қишки трансферлар вақтида Моратани сотиб олиш имкониятини кўриб чиқади.
"Атлетико" Моратани 30 миллион еврога баҳолайди, бу Саудиянинг бой клублари учун муаммо бўлмайди. Бироқ, Альваро ҳозир "Атлетико"нинг асосий ўйинчиси - жорий мавсумда 24 та ўйинда майдонга тушиб, форвард 17 та гол урди ва жамоадошлари учун 3 та голли узатмани амалга оширди.
