"Манчестер Юнайтед" марказий ҳимоячиси Харри Магуайр "Астон Вилла" устидан қозонилган ғалабадан сўнг (2:1) ўз фикрлари билан ўртоқлашди.
“Ўйлашимча, биз яхши бошладик ва ҳақли равишда устунликка эришдик, аммо кейин прессинг шиддати пасайиб кетди, биз етарлича тажовузкор бўлмадик ва рақибларимизга ўйинга қайтишга имкон бердик. Стандарт вазиятдан ўтказиб юборилган гол жуда хафа қилди.
Мактоминай бизга яна ғалаба келтирди. Бу ажойиб туйғу, лекин биз бундай қийинчиликлардан қочишни хоҳлаймиз. Ўйлайманки, биз якунда ажойиб иш қилдик ва ҳақли равишда ғалаба қозондик”, — дея Магуайр сўзларини келтиради BBC.
