Сўнгги кунларда матбуот саудияликлар бельгиялик ярим ҳимоячи Кевин Де Брюйнега қизиқиш билдираётгани ҳақида кўп ёзмоқда.
Ушбу хабарлар ортидан "Манчестер Сити" бельгиялик футболчи билан янги шартнома бўйича музокараларни бошлашга тайёрланмоқда. Бу ҳақда Transfer News Live нашри хабар бермоқда.
"Манчестер Сити" Де Брюйнени ўз сафида сақлаб қолмоқчи. 32 ёшли ярим ҳимоячининг амалдаги шартномаси 2025 йилнинг ўрталарига қадар мўлжалланган.
2023/2024 йилги мавсумда Кевин Де Брюйне "Манчестер Сити" таркибида 11 та ўйинда майдонга тушди. Уларда ярим ҳимоячи учун иккита гол урди ва саккизта голли узатмани амалга оширди.