Англиянинг «Манчестер Сити» клуби ҳужумчиси Эдин Джеко мавсум якунлангач, Германияга қайтиши мумкин. Ҳозирда футболчига Дортмунднинг «Боруссия» клуби Роберт Левандовскини ўрнини босиши мумкин бўлган муносиб ўринбосар сифатида кўрмоқда.
Британиянинг «Daily Mail» нашрига берган интервьюси чоғида босниялик футболчининг ўзи ҳам тез орада Германияга қайтиши мумкинлигини инкор этмади.
«Германия чемпионатида тўп суриш ёқади. Мен албатта у ерга қайтаман. Аммо бу қачон амалга ошишини ҳозирча сизга айта олмайман. «Манчестер Сити» билан амалдаги шартномам яна икки йилга мўлжалланган. Буёғи қандай давом этади, буни билмайман», дея Джеконинг сўзларидан иқтибос келтирмоқда британ нашри.













