"Лацио" президенти Клаудио Лотито жамоасининг Италия чемпионати доирасида "Милан"га қарши ўйиндаги мағлубияти (0:1) ҳақида фикр билдирди.

Эслатиб ўтамиз, римликлар Лука Пеллегрини (57’), Адам Марусич (94’) ва Маттео Гендузи (96’)нинг четлатилиши туфайли 8 нафар футболчи билан ўйинни якунлаганди.

"Мен бундан ёмонроқ ҳакамликни кўрганманми? Ҳеч қачон. Бундай эпизодлар тасодифан содир бўлмайди.

Агар узоқроқ ўйнаганимизда 7 киши қолар эдик, майдонда ўйинчиларимиз камлиги учун мағлуб бўлардик.

Савол шундаки, муаммони ҳал қилиш керак. Гап фақат "Лацио" ҳақида эмас, "Лацио" жабр кўрди, фактлар ўз-ўзидан гапиради" - деди Лотито.

Эслатиб ўтамиз, учрашувнинг бош ҳаками Марко Ди Белло кечаги ўйинда 15 та - 12 та сариқ ва 3 та қизил карточка кўрсатди.