"Челси"нинг собиқ футболчиси Жо Коул "кўклар" раҳбариятини ёзда эркин агент сифатида жамоасини тарк этиши мумкин бўлган "Реал" ярим ҳимоячиси Лука Модрични таклиф қилишга чақирди.
"Барқарорлик ўрнатиш учун тажрибали ўйинчиларни қидирган бўлардим. Лука Модричнинг "Реал" билан шартномаси ниҳоясига етмоқда. Эҳтимол, у бир мавсум Премьер-лигага қайтишни хоҳлар. Худди шу нарса ўзини Англияда синаб кўриши мумкин бўлган Тони Кроосга ҳам тегишли", - дея Коулнинг сўзларини келтиради журналист Саймон Филлипс.
Модрич аввалроқ Лондоннинг "Тоттенхэм" таркибида Премьер-лигада ўйнаган. 2011 йилнинг ёзида хорватиялик футболчи "Челси"га ўтиши мумкин эди, аммо "шпорлар" бу келишувга тўсқинлик қилган.
