2023 йилнинг ёзги трансфер ойнасида ярим ҳимоячи Вейналдум "ПСЖ"дан "Ал-Иттифоқ"га ўтди. Нидерландиялик футболчи “Фейеноорд”га қайтишни истаётганини тан олди.
"Мен ёзда "Фейеноорд"га ўтишни жуда хоҳлардим, аммо "ПСЖ" 10 миллион евро сўради. Бундан ташқари, менинг маошим ҳам бор. Бу деярли имконсиз эди. Шунчаки кўп муросалар билан, лекин мен буни қилишни хоҳламадим. Бошқа вариантлар кўп эмас эди", - дея Вейналдумнинг сўзларидан иқтибос келтирди журналист Микос Гука.
2023/2024 йилги мавсумда Жоржиньо Вейналдум 21 та ўйин ўтказди. Уларда нидерландиялик 7 та гол урди ва 3 та голли узатмани амалга оширди.
