"Атлетико Мадрид" ҳужумчиси Мемфис Депай тез-тез учрайдиган жароҳатлар билан қандай курашишини тушунтирди.
Нидерландиялик футболчи мавсумнинг биринчи ярмида мушаклардаги муаммолар туфайли аксарият ўйинларни ўтказиб юборди. 30 ёшли форвард жароҳатларни камайтириш учун бор кучини сарфлаётганини тан олди.
“Ўз танангизга ишончни йўқотмаслик учун жароҳатлардан қочиш керак. Мен бодибилдер бўлишни хоҳлайман, деб спорт залида вақт ўтказмайман – фақат танам талаб қиладиган нарсани қилишга ҳаракат қиламан. Лекин ижтимоий тармоқларда бу ҳақда кўп ёзмайман. Агар одамлар майдонга тушишим учун қанча меҳнат қилишимни билишса, балки мени кўпроқ ҳурмат қилишар эди", - дея Депайнинг сўзларини келтиради Mundo Deportivo.
