"Барселона"нинг 17 ёшли ҳимоячиси Пау Кубарси Чемпионлар лигасида ўйиннинг энг яхши футболчиси совринини олганидан сўнг ўз ҳис-туйғулари ҳақида гапирди.
12 март куни бўлиб ўтган 1/8 финалнинг "Наполи"га қарши жавоб учрашуви Испания терма жамоаси марказий ҳимоячисининг энг нуфузли еврокубокдаги дебютига айланди. Каталонияликлар 3:1 ҳисобида ғалаба қозониб, чорак финалга йўл олишди, Кубарси эса УЕФА томонидан учрашувнинг энг яхши футболчиси деб топилди.
"Наполи"га қарши ўйиндан кейин менга соврин топширилганда, мен яхши ўйнадим деб ўйладим. Мен бутун жамоанинг ишидан жуда фахрландим ва мамнун эдим. Соврин менга насиб этди, лекин у барчамиз учун мўлжалланган эди”, — деди Кубарси Mundo Deportivo билан суҳбатда.
