"Ливерпуль" ҳимоячиси Жо Гомес бош мураббий Юрген Клоппнинг жамоадан кетиши ҳақида гапирди.
Немис мураббийи ўз қарорини январь ойи охирида эълон қилди. У мавсум якунланганидан сўнг дарҳол ўз лавозимини тарк этади.
“Биз ҳар бир ўйинда ғалаба қозонишни истаймиз. Барча футболчилар бунга интилишади ва бу борада ҳеч нарса ўзгармайди. Биз ҳаммамиз Юргенни жуда қадрлаймиз, бироқ унинг баёноти ҳеч нарсани ўзгартирмади – биз фақат муваффақиятга эришишда давом этмоқчимиз. Олдинга жуда узоққа қараманг. Биз ҳозирга эътибор қаратишимиз керак”, - деди Гомес Англия терма жамоасининг Бразилияга қарши ўртоқлик ўйини олдидан матбуот анжуманида.
