"Барселона"нинг собиқ футболчиси Жерар Пике "Манчестер Юнайтед"нинг яқинда Англия кубогида "Ливерпуль" устидан қозонилган ғалабаси ҳақида ўз фикрлари билан ўртоқлашди. “Қизил иблислар” 4:3 ҳисобида зафар қучди.

"Мавсум якунида бу ғалаба жамоага янги куч бериши керак. Менимча, улар ўз тарбияланувчиларига кўпроқ ишонишлари керак. Мен ҳали ҳам тен Хагнинг яхши мураббий эканлигига ишонаман. "Ливерпуль" устидан қозонилган ғалаба ақл бовар қилмайдиган бўлди", - деди Пике Sky Sports телеканалида.

Англия чемпионатининг 28-туридан сўнг манкунианликлар 47 очко жамғариб, турнир жадвалида олтинчи ўринда бормоқда. “Манчестер Юнайтед” бешинчи ўриндаги “Тоттенхэм”дан 6 очко ортда қолмоқда.