Мадриднинг “Реал” клуби ярим ҳимоячиси Орельен Тчуамени Франция – Германия (0:2) учрашувидан сўнг жамоадоши Тони Кроос ҳақида ўз фикрлари билан ўртоқлашди.
Немис жамоаси Флориан Виртц ва Кай Хавертцнинг голлари эвазига ғалаба қозонди, Кроос эса 2021 йилдан бери биринчи марта Бундестимда ўйнаб, голли узатмани амалга оширди ва кўплаб мақтовларга сазовор бўлди.
Шанба кунги халқаро ўртоқлик ўйинида жамоадошига қарши тўқнаш келган Тчуамени Тони ҳақида шундай деди: "Кроос тарихдаги энг яхшиларидан бири, у немис жамоасининг қиёфасини ўзгартирмоқда", деди франциялик ярим ҳимоячи Sky Sports нашрига.
