Жорий мавсумда “Лас-Пальмас”да ижара асосида тўп тепаётган “Барселона” ҳимоячиси Хулиан Араухо Каталония клубида ўз ўрнига эга бўлиш нияти ҳақида гапирди.
“Мен “Лас-Пальмас”даги ҳамма нарсадан мамнунман, аммо орзум “Барселона”га қайтиш. Умид қиламанки, имкониятимни қўлга киритаман", - дея футболчининг сўзларидан иқтибос келтирди ижтимоий тармоқларда журналист Фабрицио Романо.
Араухо ва "Лас-Пальмас" ўртасидаги ижара шартномаси 2024 йилнинг июн ойи охиригача амал қилади. 22 ёшли футболчининг трансфер қиймати саккиз миллион еврога баҳоланмоқда. Испания чемпионатининг жорий мавсумида ҳимоячи 22 ўйин ўтказиб, битта гол урди ва тўртта сариқ карточка олди.
