Ҳимоячи Франческо Ачерби катта эҳтимол билан "Интер"да ўйнашни давом эттиради. Инсайдер Николо Скира ижтимоий тармоқларда берган маълумотларга кўра, "нерадзуррилар" раҳбарияти футболчи билан ҳамкорликни 2026 йилнинг ўрталарига қадар узайтирмоқчи.
Жорий мавсумда Франческо миланликлар сафида 32 та ўйинда иштирок этди. Футболчининг ҳисобида иккита гол ва иккита голли узатма бор. Ачербининг "нерадзуррилар" билан амалдаги шартномаси 2025 йилнинг ўрталарига қадар тузилган. Ҳимоячининг трансфер нархи тўрт миллион еврога баҳоланмоқда.
А Сериянинг 29-тури натижаларига кўра, "Интер" турнир жадвалида биринчи ўринни эгаллаб турибди.
