Пирс Морганнинг фикрича, Мануэль Нойер Букайо Сакага нисбатан қўполлик қилган.
Чемпионлар лигасининг биринчи чорак финал учрашувида “Арсенал” ва “Бавария” дуранг қайд этишди (2:2).
Иккинчи бўлимга қўшиб берилган бешинчи дақиқада "канонирлар" вингери Букайо Сакани дарвозабон Мануэль Нойер оёғидан ушлаб олди ва Сака майдонга йиқилди.
Бош ҳакам Гленн Нюберг ҳеч қандай қоида бузилишини қайд этмади.
"Бу пенальти. Нуқта" - деб ёзди телебошловчи ва "Арсенал" мухлиси Пирс Морган.