"Милан" бош директори Жоржио Фурлани "Болонья" ҳужумчиси Жошуа Зиркзее трансфери борасидаги келишувга изоҳ берди. Олдинроқ нидерландиялик форвард фаолиятини Стефано Пиоли жамоасида давом эттирмоқчи экани хабар қилинганди.
"Айни дамда биз Зиркзеенинг трансфери бўйича ҳеч қандай музокаралар олиб бормаяпмиз. Агар биз бироз суҳбатлашган бўлсак ҳам, мен бу ҳақда сизга ҳеч қачон айтмаган бўлардим", - деб Фурланининг сўзларини келтирмоқда DAZN.
22 ёшли Зиркзее жорий Италия А Сериясининг асосий кашфиётларидан бирига айланди. “Болонья” ҳужумчиси чемпионатнинг 30 та учрашувида 10 та гол урди ва 3 та голли узатмани амалга оширди.
