Лотар Маттеус янги мавсумда "Бавария" устозлигида кимни кўришни ҳоҳлаши ҳақида гапирди.
“Мен “Астон Вилла” устози Унаи Эмери таклиф қилган бўлардим. У ажойиб ишламоқда. У катта тажрибага, жумладан, халқаро тажрибага эга ва унвонларни қўлга киритган, масалан, “Севилья”да.
У инглиз тилини мукаммал билади. У якунда немис тилини ўрганиши мумкин, аммо барча ўйинчилар аллақачон инглиз тилини билишади, шунинг учун мен ҳеч қандай тил тўсиғини кўрмаяпман. Эмери янги руҳ ҳам олиб келарди, у Бундеслигада янги юз бўларди ва бу "Бавария" учун жуда мос бўларди" - деди мюнхенликларнинг собиқ ярим ҳимоячиси.
