"Интер" ҳужумчиси Алексис Санчес яна бир бор клубини алмаштиришга тайёрланмоқда. 35 ёшли футболчи "нерадзуррилар" билан мавсум охирида тугайдиган шартномасини узайтирмайди, шу боис у тез орада эркин агент мақомини олади.

“Удинезе” чилилик футболчини ўз сафига қайтаришни орзу қилмоқда, Туркиянинг “Галатасарой” клуби ҳам вазиятни кузатиб бормоқда.

Фахрийда фаолиятини Европадан ташқарида давом эттириш имкониятлари ҳам бор: Аргентинанинг “Ривер Плейт” ва Бразилиянинг “Фламенго” жамоалари унинг атрофидагилар билан алоқада.

Жорий мавсумда форвард “Интер” сафида 29 та ўйинда майдонга тушиб, 4 та гол ва 4 та голли узатмага муаллифлик қилган.