"Бавария" спорт директори лавозимини эгаллаб турган Макс Эберль "Реал" билан қарама-қаршилик ҳақида гапирди.
Мюнхенликлар 30-апрель куни Чемпионлар лигаси яримфиналининг дастлабки ўйинида ўз майдонида “Лос Бланкос”ни қабул қилади, жавоб учрашуви эса 8-май куни Испанияда бўлиб ўтади.
Олдинги босқичда Томас Тухель шогирдлари Лондоннинг “Арсенал” клубини умумий 3:2 ҳисобида мағлуб этганди.
"Бу ўйиннинг "Арсенал"дан фарқи шундаки, биз энди тажрибалироқмиз. "Реал" билан қарама-қаршиликда бизда бундай устунлик бўлмайди, чунки рақиб биздан кам тажрибага эга эмас.
Лекин бизда албатта имкониятлар бўлади. 50/50 имконият бўлади деб ўйлайман", - дея Эберлдан иқтибос келтиради испан ОАВ.
