Мадриднинг “Атлетико” клуби Антуан Гризманн билан шартномани узайтирмоқчи.
AS хабарига кўра, ўтган ҳафта Гризманн ва "Атлетико" вакиллари ўртасида франциялик ҳужумчи билан шартномани узайтириш бўйича илк музокаралар бўлиб ўтган.
Футболчининг опаси ва агенти Мод Гризманн “матрасчилар” жамоаси раҳбарияти билан учрашиб, янги шартнома шартларини муҳокама қилган.
Қайд этилишича, Гризманн ва Мадрид клуби ўртасидаги муносабатлар аъло даражада, келишувга эришиш қийин бўлмайди.
Антуаннинг амалдаги шартномаси 2026 йилгача мўлжалланган ва агар маълум шартлар бажарилса, уни бир йилга узайтириш имконияти мавжуд, манба қайд этганидек, буни бажариш қийин эмас.
Таъкидланишича, "Атлетико" Гризманни футболчининг ўзи хоҳлаганча сақлаб қолишга тайёр. Раҳбарият франциялик футболчини клуб афсонаси деб билади ва унинг шартномасини узоқроқ муддатга узайтириши учун ҳеч қандай тўсиқ яратмайди.
