"ПСЖ" Килиан Мбаппенинг ўрнига сотиб олмоқчи бўлган футболчилар рўйхати тузилди.
L'Equipe хабарига кўра, парижликлар Килианнинг кетишидан 200 миллион еврони тежашади, бу маблағ эса янги футболчига сарфланиши мумкин.
Парижликлар маслаҳатчиси Луиш Кампуш қисқа рўйхатида "Наполи" ҳужумчиси Виктор Осимхен ва "Милан" вингери Рафаэль Леау бор - иккала футболчи ҳам Кампуш қўл остида "Лилль" билан шартнома имзолаган ва у ердан Италияга кўчиб ўтган.
Осимхенга келсак, "Наполи" раҳбариятининг муросасизлиги келишувга тўсқинлик қилиши мумкин. "Милан"даги Леаунинг товон пули 175 миллион евро.
"Пари Сен-Жермен" ҳужумини кучайтиришнинг яна бир номи "Наполи" вингери Хвича Кварацхелия.
Кампушга яна бир яхши таниш бўлган "Манчестер Сити" ярим ҳимоячиси Бернарду Силванинг номзоди ҳам тилга олинган - Луиш уни Монакога таклиф қилганди.
Таъкидланишича, Силванинг шартномасида товон пули 58 миллион евро бўлган, 29 ёшли португалияликнинг ўзи эса "ПСЖ"га ўтишга қарши эмас.
