Маркус Рэшфорд энг яхши мавсумни ўтказмади ва натижада Европа чемпионати учун Англия терма жамоаси таркибига киритилмади.
"Манчестер Юнайтед" футболчиси бундан сабоқ олмади ва таътилдан тўлиқ завқ олишга қарор қилди.
Daily Mail нашрининг ёзишича, Рэшфорд Канндаги пляждаги барда зиёфат ўтказаётганда кўриниб қолган. Ушбу муассасага кўпинча таниқли шахслар ташриф буюришади. Кечқурун охирида Рэшфорд ҳисобни тахминан 3700 фунт тўлади. Тўғри, "Манчестер Юнайтед" футболчиси ёлғиз эмас, 12 дўсти билан бирга эди. Айни пайтда, Рэшфордсиз Англия Сербияга қарши Евро-2024даги илк ўйинига ҳозирлик кўрмоқда. Жамоалар 16 июнь куни майдонга тушади.
