Англиянинг «Манчестер Сити» клуби яримҳимоячиси Яя Туре клуб билан янги шартнома тузишга розилик билдирди. Бу ҳақда Британия матбуоти хабар тарқатди.
Манбанинг маълум қилишича, янги битим тўрт йил муддатга амал қилади ва Туренинг ҳафталик маоши 220 минг фунт стерлингни ташкил қилади. Бунинг натижасида футболчи тўрт йил мобайнида 45 миллион фунт стерлинг ишлаб топади.
Олдинроқ футболчининг агенти Дмитрий Селюк агар жамоа тез орада Турега янги шартнома таклиф қилмаса клубдан кетиши мумкинлиги билан огоҳлантирганди. Қўшимча қилиш жоиз, «шаҳарликлар» ивуарлик футболчини 2010 йилда «Барселона»дан 24 миллион фунт стерлинг эвазига сотиб олганди.