Мадриднинг «Атлетико» клуби ҳужумчиси Радамель Фалькао бирор бир клубдан таклиф олмаганини таъкидлаб ўтди. Унинг фикрича, бу мавзуда қўшимча қиладиган бирор-бир гап йўқ.
«Ҳеч қандай клубдан аниқ таклиф олганим йўқ. Шартномам яна уч йилга қадар давом этади. Бу мен ҳозир айтишим мумкин бўлган барча гапим».
Эслатиб ўтамиз, футболчига «Реал» ва «Челси» жамоалари қизиқиш билдирмоқда. Лондонликлар унга 60 миллион евро беришга тайёрлигини билдиришганди.