Чемпионлар лигаси чорак финалининг яна бир учрашуви Германияда ўз ниҳоясига етди. Дортмунднинг «Боруссия» жамоаси «Малага»ни қабул қилди ва 3:2 ҳисобида ғалаба қозонди.

Спорт телеканали ходимлари шундай учрашувни жонли эфирга узатишмагани учун мухлисларнинг хафа бўлишларига асос бор. Бу ўйинни бемалол йил ўйинига номзод десак бўади.

Ўйинни меҳмонлар кутилмаганда жуда ҳужумкор бошлашди. 25-дақиқага келиб Хоакин жамоасини ҳисобда олдинга олиб чиқди. Лекин биринчи тайм тугашига яқин Роберт Левандовски ҳисобни тенглаштирди  1:1. Жамоалар шундай ҳисобда танаффсуга йўл олишди.

Иккинчи бўлим ҳам биринчисидан қолишмаган эҳтиросларга бой бўлди. Лекин мухлислар ҳа деганда гол кўраверишмади. «Малага»ни 1:1 ҳисобидаги дуранг натижа ҳам қониқтирар эди, лекин жамоа ҳужум қилишдан чўчимай олдинга борди. Натижада 82-дақиқага келиб Элизеу жамоасини ҳисобда олдинга олиб чиқди.

Голдан кейин барча «Малага»нинг сенсацион тарзда ярим финлага йўл олишини кута бошлади, лекин барча немис машинасининг муруватлари унча-мунчага ишдан чиқмаслигини унутишган эди. Ҳакам томиндан қўшиб берилган дақиқалада барчаси 180 градусга ўзгариб кетди. Аввал Марко Ройс ҳисобни тенглаштирди. 90+3 дақиқада эса марказий ҳимоячи Сантана жамоасини чемпонлар лигсининг ярим финалига олиб чиқди. «Боруссия Д» — «Малага» 3:2.

Чемпионлар лигаси
1/4 финал

Боруссия Д (Германия) – Малага (Испания) 3:2 (1:1)
Голлар: Хоакин (25), Левандовски (40), Элизеу (82), Ройс (90+1), Ф. Сантана (90+3).
Боруссия Д: Вайденфеллер, Пишчек, Суботич, Ф. Сантана, Шмельцер, Гундоган (Хуммельс, 86), Бендер (Шахин, 73), Блашчиковски (Шибер, 72), Гетце, Ройс, Левандовски.
Малага: Кабальеро, Хесус Гамес, Демичелис, С. Санчес, Антунеш, Тулалан, И. Камачо, Хоакин (Портильо, 87), Иско, Дуда (Элизеу, 74), Баптиста (Санта Крус, 84).
Огоҳлантиришлар: Бендер (10), Шмельцер (60), Хесус Гамес (62), Тулалан (88).
Биринчи учрашув – 0:0.