Анвар Эл-Ғози “Майнц” билан шартномани бекор қилиш бўйича судда ғалаба қозонди.
2023-йил 7-октабрда Фаластин-Исроил можароси авж олганидан кейин Анвар ижтимоий тармоқларда шундай ёзган эди: “Бу можаро ёки уруш эмас. Бу геноцид ва оммавий қирғин ва биз буни жонли кўриб турибмиз”.
У хабарни Фаластиннинг озод этилиши ҳақидаги шиор билан якунлади, бироқ кейин постни ўчириб ташлади. Клуб футболчини машғулотлар ва ўйинлардан четлатди.
Ўтган йилнинг ноябрь ойида немис клуби нидерландиялик ярим ҳимоячи билан шартномани бекор қилганди. Шундан сўнг футболчи Майнц меҳнат судига борди.
Майнц меҳнат суди шартномани олдиндан огоҳлантирмасдан бекор қилишни ноқонуний деб топди.
Эл-Ғози клубдан аввал тўланмаган маош ва бонусларни – тахминан 1,7 миллион еврони олиши керак бўлади.
