Саудия Арабистони клублари "Барселона" вингери Рафинья Диас учун курашни давом эттирмоқда. Журналист Фабрицио Романонинг хабарига кўра, Саудия клублари вакиллари футболчининг атрофидагилар билан боғланиб, август ойида трансферни амалга ошириш имконияти ҳақида билишган.
“Барселона” Рафиньяни сотишга очиқ, бироқ бразилиялик футболчининг ўзи аввалроқ “Камп Ноу”да яна камида бир мавсум қолиб, Ханс-Дитер Флик бошчилигида ўзини кўрсатиш истагини билдирган эди. Вазият яқин келажакда ўзгариши мумкин.
Испания чемпионатининг сўнгги мавсумида 27 ёшли Рафинья 28 учрашувда 6 та гол ва 9 та голли узатмани амалга оширган.
