Эркин агент мақомига эга бўлган Франция терма жамоаси ярим ҳимоячиси Адриен Рабио фаолиятини Англия Премьер-лигасининг топ-клубида давом эттириши мумкин.
Todofichajes портали саҳифаларида хабар берилганидек, 29 ёшли футболчини "Манчестер Юнайтед" ўз сафига қўшиб олмоқчи. "Қизил иблислар" Рабио билан музокарага киришди ва уни жорий трансфер ойнасида қўлга киритишга умид қилмоқда.
Ўтган мавсумда Италия чемпионатида ярим ҳимоячи 31 та ўйинда майдонга тушиб, 5 та гол ва 3 та голли узатмага муаллифлик қилган.
