"Аталанта" ва Италия терма жамоаси ҳужумчиси Жанлука Скамакка тиззасидаги хоч боғлами жароҳати туфайли операция қилинди.
"Жанлука Скамакка 5 август, душанба куни тушдан кейин чап тиззасининг олдинги хоч боғлами жароҳати сабабли жарроҳлик амалиётини ўтказди. Римдаги Villa Stuart клиникасида ўтказилган операция тўлиқ муваффақиятли деб топилди. Скамакка зудлик билан физиотерапиясини бошлаши кутилмоқда", - дейилади матбуот хизмати клуб расмий сайтидаги баёнотда.
Ўтган мавсумда 25 ёшли Скамакка "Аталанта"нинг барча турнирларда 44 та ўйинида қатнашиб, 19 та гол урди ва 8 та голга ассистентлик қилди. Transfermarkt портали форварднинг бозор қийматини 35 миллион еврога баҳолаган.
