Германия терма жамоаси ва Мюнхеннинг "Бавария" клуби собиқ футболчиси Лотар Маттеус Бундеслига навбатдаги мавсумида қайси клубни фаворит деб билишини айтди.
"Байер" - турнир фаворити. Бу Леверкузеннинг лига чемпиони ва кубоги соҳиби бўлгани учун эмас. Улар "Бавария" ва "Боруссия"дан яққол устунликка эга. Хаби Алонсо икки йилдан бери жамоа бошқарувида. Улар таркибни сақлаб қолишди ва уни янги ўйинчилар билан кучайтиришди", - деди Маттеус.
Эслатиб ўтамиз, “Байер” ўтган мавсумда Бундеслигада бирорта ҳам мағлубият аламини тотиб кўрмай Германия чемпионига айланганди. "Бавария" учинчи ўринни эгаллади.
