"Барселона" ярим ҳимоячиси Фермин Лопес жамоанинг мавсумолди машғулотларида қатнашиш учун дам олишни қурбон қилишга қарор қилди.

21 ёшли футболчи 2024 йилги Олимпиада қаҳрамонларидан бирига айланди: ярим ҳимоячи олтита ўйинда олтита гол урди, шу жумладан финалда дубль қайд этди ва Испаниянинг олтин медални қўлга киритишига ёрдам берди.

Журналист Герман Бонанинг сўзларига кўра, Лопес олимпия терма жамоасидан қайтганидан кейин узоқ муддатли таътилга чиқиш ниятида эмас. Футболчи кейинги ҳафта машғулотларга қайтмоқчи - у "Блауграна" бошқарувчиси Ханс-Дитер Фликга асосий таркибдан жой олишга лойиқ эканлигини исботламоқчи.

Эслатиб ўтамиз, Испания терма жамоасининг ғалабаси билан якунланган Европа чемпионатида Фермин Лопес ҳам иштирок этган, аммо турнир давомида фақат бир марта майдонга тушган.