Англия терма жамоасининг собиқ ҳужумчиси, ҳозирда футбол эксперти ва телебошловчи Гари Линекер "Манчестер Сити" бош мураббийи Пеп Гвардиола келаси ёзда Англия терма жамоасини бошқариши мумкинлиги ҳақида фикр билдирди.

Аввалроқ, Гарет Саутгейт истефога чиқарилганидан сўнг, аввалроқ мамлакат ёшлар терма жамоасида ишлаган Ли Карсли Англия терма жамоасига вақтинчалик бош мураббий бўлганди.

Гвардиола Англия терма жамоасига мураббийлик қилиш имконияти ҳақида сўралганда, келажаги ҳақида ҳали бир қарорга келмаганини айтди.

"Бир неча кун олдин мен Пеп Гвардиоланинг интервьюсини кўрдим, у ерда матбуот анжуманида ундан Англия билан ишлашга қизиқасизми ёки йўқми, деб сўрашди. Биласизми, кўпчилик бу саволга "йўқ" билан жавоб беради, лекин у буни қилмади. Ва бу мени унинг нутқи ҳақида ўйлашга мажбур қилди.

Менимча, у ҳақиқатан ҳам бу иш билан қизиқади. Ва улар Карслини вақтинчалик бош мураббий этиб тайинлаганликлари, шунингдек, Пепнинг шартномаси мавсум охирида тугаши... аммо, мен бироз орзу қилган бўлишим мумкин!" - деди Линекер Rest Is Football подкастида.