«Манчестер Сити» ҳимоячиси Мика Ричардс мавсум тугагач жамоани тарк этиши мумкин.
«Шаҳарликлар» футболчини 15 миллион еврога сотишга тайёр. Бу ҳақда goal.com хабар бермоқда.
Ричардс Пабло Сабалета билан рақобатга имкониятни бой бергани билан бирга тиззасидаги жароҳати сабаб мавсумнинг катта қисмини ўтказиб юборган эди.
Октябрдан кейин ҳимоячи ўтган ҳафта бўлиб ўтган «Уиган»га қарши ўйинда майдонга тушган эди, лекин бош мураббий Роберто Манчини унинг ўйинидан қониқиш ҳосил қилмади.
Ричардсга «Арсенал» ва «Ливерпуль» жамоалари қизиқиш билдирмоқда, лекин «Сити» уни премьер лига жамоаларига сотмоқчи эмас.