"Астон Вилла" дарвозабони Эмилиано Мартинес жорий мавсум ва совринларни қўлга киритиш клуб учун муҳимлиги ҳақида ўз фикрлари билан ўртоқлашди.
"Машғулотларда баланд овозда айтаман: "Биз кубок ютишимиз керак, ҳеч бўлмаганда финалда ўйнашимиз керак". Бу клуб ва бу мухлислар кубок кампаниясига лойиқ. Мен бу ерда бўлишни яхши кўраман, лекин тараққиёт кўрмаган клубда қолмайман. Чунки мен янги чўққиларни забт этишни, ғалаба қозонишни, имконим бўлса, дунёнинг энг яхши дарвозабони бўлишга ҳаракат қилишни хоҳлайман", - дея Мартинеснинг сўзларини келтиради The Guardian.
Ушбу ёзда Аргентина терма жамоаси дарвозабони Эмилиано Мартинес "Астон Вилла" билан янги узоқ муддатли шартнома имзолаган эди.
