Донецкнинг «Шахтёр» клуби ярим ҳимоячиси Генрих Мхитарян ёзда «Ливерпуль»га ўтмоқчи. Бу ҳақда «Метро» нашрининг ахборотига асосланиб, «қизиллар»нинг расмий сайтида хабар берилган.
Генрих италиялик футбол агенти Мино Риола билан шартнома имзолаган ва ёзги трансфер вақтида Украинани тарк этиши мумкин.
Риола мўмай даромад ишлаб олишни кўзлаб, Еверопанинг катта жамоалари («МЮ», «Ювентус») билан музокараларни олиб борган, лекин агентнинг «Ливерпуль» раҳбарияти билан алоқалари яхши эканини ва футболчининг «Ливерпуль»да ўйнаш нияти йўқ эмаслигини назарда тутадиган бўлсак, уни Ливерпулда кутишимиз мумкин.
Риола мижозининг трансферини 15 миллион фунтга баҳоламоқда. Генрих учун йилига 3 миллион фунт маошни нормал деб белгилаган.
Эслатиб ўтамиз, Мхитарян Украина чемпионатида жорий мавсумда 34 учрашувда майдонга тушиб, рақиб дарвозасига 24 та гол киритган. Футболчига Лондоннинг «Тоттенҳем» жамоаси ҳам қизиқиш билдирган.