"Манчестер Сити" ярим ҳимоячиси Родри Эрнандес бўлажак ўйиндаги рақиб - "Интер"нинг савияси ҳақида фикр билдирди.
"Шаҳарликлар" янги Чемпионлар лигасининг 1-тур учрашувида "нерадзуррилар"га қарши майдонга тушади. Учрашув чоршанба куни бўлиб ўтади.
"Мен "Интер"ни тез-тез кузатиб тураман. Бу жамоада Лаутаро Мартинес каби юлдузлар ва Николо Барелла ва Ҳакан Чалханўғли каби муҳим футболчилар бор. Улар ажойиб таркибга эга. Биз учун бу девордан ўтишга уриниш каби бўлади. Биз Италия жамоаси билан тўқнаш келиш қандай эканлигини биламиз", - дея Родри сўзларини келтиради Fcinter1908.
"Манчестер Сити" - "Интер" учрашуви Тошкент вақти билан соат 23:59да бошланади.
