Миланнинг “Интер” клуби мураббийи Симоне Индзаги ҳаддан ташқари юкламали ўйин тақвими ҳақида ўз фикри билан ўртоқлашди.
Яқинда "Манчестер Сити" ва Испания терма жамоаси ярим ҳимоячиси Родри оғир тақвим туфайли футболчилар иш ташлашга яқин қолганини айтди.
"Родрининг сўзлари? Биз жуда кўп ўйинлар ўтказишимизни биламиз ва бу жуда кўп пул топишимизнинг сабабларидан бири. Биз мослашишимиз керак. Бу мавсумни июл ойи ўрталарида клублар ўртасидаги жаҳон чемпионати ўйинлари билан якунлаймиз ва мен доимий равишда таркибни алмаштириб туришимга тўғри келади", - дейди "нерадзуррилар" устози.
Чоршанба куни Чемпионлар лигаси доирасида "Манчестер Сити" ва "Интер" ўзаро ўйнайди.
