Карл-Хайнц Румменигге "Бавария"нинг собиқ бош мураббийи Ханс-Дитер Флик ҳақида ўз фикрини айтди.
Немис мураббийи айни дамда "Барселона"да ишламоқда ва у билан мавсум бошида ажойиб натижаларга эришди. 23 октябрь куни каталонияликлар Чемпионлар лигаси доирасида "Бавария" билан ўйнайди.
Мюнхен гигантининг директорлар кенгашида ўрин олган Румменигге: "Ханси - ажойиб мураббий", - дейди. "Агар у бўлмаганида "Бавария"да бир ярим йил ичида еттита соврин ютмаган бўлардик. Афсуски, у Германия футбол ассоциациясининг қурбонига айланди. Унга ишониши мумкин бўлган одамлар керак. У "Бавария"ни тарк этганида жуда хафа бўлдим.
Флик энди "Барселона"да муваффақият қозонмоқда. У қийин шароитда яхши иш қилади. Мен у учун хурсандман", - дея Румменигге сўзларини келтиради Bayern & Germany.
