Британиянинг «The Guardian» нашри Мадриднинг «Реал» клуби ҳужумчиси Криштиану Роналдунинг «МЮ»га қайтиши имкониятларини чамалаб вазиятни «кам эҳтимол» деб баҳолади.

Бунга изоҳ бераркан нашрнинг Роналдунинг шартномасини эслаб ўтди: Роналдунинг «Реал» билан тузган шартномаси 2015 йилга қаар мўлжалланган. Шартнома тугайдиган пайтда Роналду 30 ёшга тўлади. Агар «Реал» ҳозир уни сотишни истаса, ўзи хоҳлаганича, уни сотиб олган 80 миллион фунтдан ҳам қимматроқ нархни қўйиши мумкин. «Манчестер Юнайтед» эса ёши ўтиб бораётган футболчи учун бу даражада катта пул сарфлашига ишониш қийин.

Шунингдек, «Реал»ни ёзда янги бош мураббий қабул қилиб олади. Бу эса мадридликларнинг бир қатор футболчилари, жумладан Роналду учун ҳам муносабатлари яхши бўлмаган мураббийдан кейин янги мураббий қўл остида ўз кучини синаб кўриш учун иштиёққа сабаб бўлиши мумкин.

Яна бир гапни қўшимча қилиш жоиз, қанчалик ғалати эшитилмасин, Роналдунинг «Реал» билан тузган шартномасига мувофиқ уни муддатидан олдин бекор қилиш суммаси 1 миллиард (!) еврони ташкил қилади.