Германиянинг "Лейпциг" клуби бош мураббийи Марко Розе яқин орада "Ред Булл" бошқарувига тайинланган Юрген Клопп билан маслаҳатлашмаслигини айтди.
"Юрген ҳозирда Майоркада таътилда. У оиласи билан вақт ўтказмоқда. Мен уни энди безовта қилишни хоҳламайман. Клопп дам олиши керак, чунки у кўп йиллардан бери ишлайди, унга танаффус керак. Мен уни чалғитмоқчи эмасман", - деди Розе Bild нашрига.
Германия Бундеслигасининг 6 туридан сўнг "Лейпциг" 14 очко жамғариб, турнир жадвалида иккинчи ўринда бормоқда. Розе жамоаси қўшимча кўрсаткичлар бўйича юқори ўриндаги "Бавария"дан пастроқ.
